મિત્રતાનો પરિચય

આવ મિત્ર!!
આપણી મિત્રતાનો પરિચય આપું…

ઍક અનાયાસ ક્ષણ,
ને મળ્યો મૈત્રીનો મારગ.

ઍક ડગલું જ્યાં ભર્યુ અમે,
ત્યાં તારા કદમોનો મળ્યો સંગાથ.

રાહ બનતી ગઈ, જ્યાં જ્યાં ચાલ્યા તુજ સંગે,
ને મંઝિલના તો અરમાન જે ક્યાં હતા?

શબ્દો ભળતાં ગયા, ને હ્રદય મળતાં ગયા,
વાર્તા ઍક અમૂલ્ય, ‘દોસ્તી’ લખાતી રહી.

સાથે હસ્યાં ને આંસુ’ય લૂછ્યા,
સંગાથે જીવન કેરી ગૂંચ ઊકેલતા ગયા.

આમ તો બધું હતું જીવનમાં,
પણ તુજ વિના હ્રદયની ઊર્મિને આકાર ન હતો!

- કૃતિ